Ziad Sayed…
زياد: هول ليكي يا سلمى. هول مش ممكن يكونوا مع
العدالة الاجتماعية، ما افهمي.. لأنا بتنضر كتير من مصالحن!سلمى: مش مظبوط. طب انتا اسماع اذاعتن. لي ما
بتسمع اذاعتن؟زياد: أووو.. عمبسمع اذاعتن، مين قلك ما
بسمعا!سلمى: إي لو عمتسمع اذاعتن مظبوط. دايماً هني
بيحكوا و بيطالبوا بالعدالة. انو الاجتماعية والمساواة وتكافؤ الفرص وهيك. كتير هني
مع هالأشيا، مش متل ما انت بتضلك بتعبيلي راسي عنن!زياد: طيب متل ما بدك.سلمى: شو يعني، هلق ما عم نحكي، انت ما قلتلي
بدنا نناقش؟زياد: اي نناقش، اي مبلى.سلمى: اي طيب شو؟زياد: اي هيدا مش نقاش.سلمى: ليش كيف بيكون النقاش. انو يعني اذا ما
وافقت معك ع رأيك، لازم وافق معك ع رأيك.زياد: لي هلق انتي شو ما بتسمعي بتصدقي. بركي
هول الجماعة باذاعتن عميكذبوا، ما واردة؟سلمى: و ليش مش جماعتك تبع هول اليساريي ما
يكونوا عميكذبوا؟ ما بيكذبوا؟زياد: أوففف هني اللي بيكذبوا.سلمى: اي هه شفت.زياد: ايه منيح هيك انبسطي؟سلمى: اي لأ انو كل العالم بتكذب!الزلمي: هلق عفواً يا جماعة، بس كل العالم بتحكي
نفس الحكي. والأخلاق بالحكي هيي ذاتها. المهم الممارسة.زياد: الممارسة، يسلملي ربك.الزلمي: بعدين الحكي ما عليه جمرك يا سلمى،
عفواً يعني.سلمى: كيف يعني شو دخل الجمرك؟زياد: تفضل بدا تناقش ومش سامعا
بالجمرك!سلمى: سامعا بالجمرك، مين قلك؟ بس شو دخل الحكي
بالجمرك؟!زياد: ما متل هيدا معروف، متل.. انو الحكي ما
عليه جمرك يعني فيكي تحكي شو ما بدك، فيكي تفشطي، فيكي تغلطي، وفيكي تحكي
الحقيقة… فيكي تقولي انك مع العدالة الاجتماعية وتكوني انتي اللي مسببة عدم
العدالة الاجتماعية.سلمى: امم…زياد: اي… وفيكي تقتلي عالم وانتي اللي تنعيون
وانتي تمشي بدفنن. عرفتي شو يعني الحكي ما عليه جمرك.سلمى: اي ولشو النرفزة؟!زياد: النرفزة، بسببك وبسبب مخك. مصدقة يعني انو
هول الحزب والجماعة مع العدالة الاجتماعية هيك لأنو يعني هني قالوا وبيقولوا…
وهالمخ لشو ناتعتيه؟!سلمى: كل واحد حر برأيو. وبعدين حاجة تزفر
بالحكي وحتى لو كان الحكي بلا جمرك.زياد: اي بأمرك.الزلمي: يا جماعة بدون تشنج خلي
النقاش.زياد: لأ بحياة ربك قديش حلوة شي حزب يكون ضد
العدالة الاجتماعية. هيك يطلع واحد من المكتب السياسي يقول، نحن ضد العدالة
الاجتماعية؟ معقولة هاي؟!الزلمي: له طبعاً… لأ بس..زياد: ما هي سلمى إلا ما يطلع يقول هيك ما رح
تصدق انو ضد العدالة الاجتماعية.
زياد الرحباني – العقل زينة…. راديو صوت الشعب – ع الموزة المتوسطة!
March 5th, 2006 at 11:09 am
أسعد الله أيامك…
هل يمكن الحصول على التسجيل كاملاَ للعقل زينة،،،
تحياتي
amonem@gmail.com